1/30/2016

Mi propozar ensi lo diskut pri nuv vortos in Neo, ken so muy nesar. Lo temo pri lo komputa termenos.

Nos of skribucar pri rish-lokos, rish-adresos, rish-pajos, elektrona dosyeros, elektrona duplos, elektrona sexyonos e ceteras. Mo fakte nos no ar unifat termenaro po et kozos. Lo komputa industrio ijir publa nur ab 1980as anyos. Lo dixonaros ken sr. Alfandari utir po krei lo Neo’y vorta tresor no ir lo nesa termenos dun yentempos. As so konar Amerik fakte kreir prime lo komputa industrio ki konat ne nun e lo pluso de termenos sir derivat da Anglal vortos. Dete mi propozar preni lo anglala vortos as bazo. Eto no sar diskrimazo de osa linguos natura. As nos konar Neo sar esperantid e Esperanto sar lo linguo bazat on romana e germana linguos kon nogran parto de Rusal. Sr. Alfandari dezir ke Neo avu lo aspo e sonazo de romanal.

Lo plan:

Une, nos shar formifi lo list del vortos, maopine no muy longa: 30 - 40 vortos.

Due, nos shar traduki lo vortos da lo listo nel  6 linguo natura: Fransal, Ispanal, Portugal, Italal, Duecal, Rusal e fari fonetika transkribo.

Tree, nos kreor lo vortos utande lo gramatika posiblos de Neo. Lo vortos shur si rekonibla po lekteros e specale po uderos. An lo vortos shur avi lo iza pronuncazo.

Pli sendu va opinos e va propozos es vu dezar konlabori po et projek.

No comments:

Post a Comment